HAKRIBI KORUPSAUN KOLUSAUN NEPOTISMU
Hapara korupsaun!, se O lakohi naukten sira goza...
KONTRA PENSAUN VITALISIA
“Lucia Lobato Tinan 5 hela iha Becora”

Wednesday, May 18, 2011

Prevene Korupsaun, KAK-MF Lansa Workshop

DILI - Komisaun Anti Korupsaun (KAK), servisu hamutuk ho Ministeriu Finansas (MF), Tersa (17/5), lansa workshop ida ho objetivu atu prevene korupsaun rai laran.

Partisipa iha workshop ho topiku Fortificar o desempenho dos fungsionarios de Alfandega e Receitas para minimizar os riscos da Coruppòâo nee, funsionariu husi Diresaun Alfandega, Reseitas no Petroliu.

Prezidenti Komisaun Anti Korupsaun (KAK), Aderito de Jesus hatete workshopnee ne’e importante tebes, tanba bainhira koalia konaba mandatu KAK iha buat rua mak importante hanesan prevensaun inklui eduksaun kampanya no ida seluk mak investigasaun krimininal.

Kombate korupsaun laos liu husi investigasaun deit, maibe tenke mos liu husi dalan prevensaun. “Ho nune ami husi KAK servisu hamutuk ho MF liu-liu maluk sira husi alfandega tur hamutuk atu koalia konaba oinsa atu prevene no kombate asaun korupsaun nebe’e akontese iha ita nia rai laran,” hatete Aderito ba Jornalista sira iha salaun Delta Nova, Dili, Tersa (17/5).

Nia hatete Politika kombate korupsaun presiza involve ema hotu no mos la haluha husu ba sosiadede sivil sira bainhira pasa informasaun labele konfundi publiku konfuzaun. Ho inisiativa ida ne’e mak halo workshop ne’e bele hadia dezenpenho servisu funsionariu sira nian lor-loron ho kualidade.

Komisariu ne’e hatutan katak atu prevene no kombate korupsaun laos lori fulan ida-rua, maibe presiza tempu nebe naruk, tanba kompara ho nasaun seluk nebe’e ukun a’an kleur hasoru mos problema korupsaun.

Vise Ministru Finansas Rui Hanjam, konsidera workshop nee hanesan ivenstu ida importante atu haree preoridade prevene no kombate korupsaun. Nune bele counter buatu sira iha publiku konaba institusaun nebe saihun ba korupsaun hanesan Alfandega nomos impostu, tanba deskonfia simu subornu (osan sigaru/uang rokok).

MF katak Hanjam sei servisu hamutuk ho komisaun anti korupsaun atu estabelese etika conduck hodi bele asegura sistema servisu, nunee bele hadook aan husi tentativasaun simu osan sigaru. “Maibe bainhira se deit mak involve a’an iha hahalok sira hanesan ne’e, nia rasik sei tuir prosesu investigasaun, tanba iha Funsaun Publiku iha regras konaba ida ne’e. Hahalok korupsaun hanesan moras ida nebe’e lao iha nasaun hot-hotu laos iha ita nia nasaun deit,” Hanjam komenta.

Parte seluk Direitor Jeral Reseitas no Alfandega, Cancio de Oliveira, agradese ba KAK nia inisiativa organiza workshop nebe involve funsionariu sira hotu atu hatene oinsa mak prevene no kombate korupsaun. “Ida ne’e importante tebes, ami agradese ba KAK nebe’e organiza workshop ne’e hodi involve ami nia funsionariu sira hotu hatene oinsa mak prevene korupsaun,” nia hatete.

Reforma administrasaun parte ida atu prevensaun no kombate korupsaun liu husi identifikasaun ba iregular ruma nebe mosu hodi submete ba prosesu investiga saun, foti medidas adekuadu ba funsionariu sira nebe’e komete korupsaun,bainhira kompro vativu.

Nune mos Direitor Prevensaun, Joao Bosco Soares hatete objetivu prinsipal husi workshop ne’e atu fo kunesementu ba funsionariu publiku sira konaba implementasaun lei KAK no informadu konaba sistema no prosidementu kobransa resitas iha parte Estadu no mos atu hatene metodu kontrolu efikaz iha servisu alfandega hodi halakon risku korupsaun.

Partisipa iha workshop ne’e alen Komisariu KAK, Vise Ministru Finansas, reprezentante religiosa Madre Esmeralda, Direitor Jeral Alfandega no fun sionariu alfandega tomak. elo

Josefa Parada - Kuarta, 18 Maiu 2011 - SUARA TIMOR LOROSAE