Deputado Fretilin: Aderito Iha Duni Kapasidade Kombate Korupsaun

Last Updated on Thursday, 24 February 2011 16:15Written by Thomas SanchesThursday, 24 February 2011 14:25

CJITL Flash, Maske durante nomeisaun hetan polemika, maibe Deputado Fretilin iha PN hahu dadaun fo konfiansa ba prezidente komisariu ba Komisaun Anti Korupsaun – KAK atu kombate korupsaun iha Timor Leste.

Tuir deputadu Inacio Moreira hosi bankada FRETILIN katak Aderito de Jesus, Komisariu KAK iha duni kapasidade no buat hotu tenke lao neneik laos hanesan mehi, dehan Inacio Moreira iha uma fukun PN, Kuarta, (23/02).

“Ita hotu tenke komprende tanba buat ida kombate korupsaun ne’e laos buat fasil ne’ebe hanesan ita nia povu hanoin no atu kombate korupsaun ne’e ita tenke servisu hamutuk la'os hein deit mak KAK no hau fiar katak Aderito iha kapasidade ne’ebe diak” dehan Inacio Moreira.

Nia mos hatutan katak, husu ba Aderito de Jesus ne’ebe hanesan komisariu KAK tenke servisu ho professional lalika hare ba partidu.

Nune’e mos ho deputadu hosi bankada PD, Adriano do Nascimento mos hateten, nia kombate korupsau ne’e sei lori tempo.

“Klaru katak Aderito iha kapasidade ne’ebe ke diak maibe atu kombate korupsau ne’e sei lori tempu tanba atu kaer ema ida tenke iha evidensia ne’ebe forti no buat hotu tenke lao mais neneik tanba atu investiga kazu ida laos loron ida ou semana ida no ita mos tenke komprende tanba TL ne nasaun foun ida ne’ebe mak foin hahu” dehan Adriano. (Thomas Sanches/CJITL)

http://www.cjitl.org