MINISTRA Justisa (MJ) ho Komisario Anti Korupsaun (KAK) Segunda-feira 19 de jullu 2010 foin lalais ne’e deskuti lei investigasaun kriminal ne’ebé antes ne’e prepara ona husi governu.
Iha sorumutu entre komisariu KAK ho MJ ne’e koalia asuntus importantes tolu, hanesan atu haree fatin ba komisariu KAK nian, kriasaun seksaun de kontas, tanba ne’e ema hotu hatene katak, antes atu harii tribunal de kontas ita tenki prepara lei, e oras ne’e pronto ona nune’e e lei ne’e rasik mos haruka ba komisariu KAK no sira mos mos konkorda hodi fo apoiu ba lei refere.
Nune’e sorumutu ne’e koalia mos konaba polisia investigasaun krimal, ne’ebé oras ne’e governu prepara hela assunttu imporntane ne’e.
Iha Enkontro ne’e Ministra Justisa Lúcia Lobato hateten, Polisia investigasaun rasik tuir ministra hanesan buat ne’ebé mak sei falta iha seitor da justisa, henesan instituisaun seitor justisa ne’ebé sei falta mak investigasaun kriminal ne’e rasik.
Hanesan ita hotu hatene katak durante ne’e ita iha deit seksaun investigasaun kikoan ne’ebé iha instituisaun PNTL nia okos, tanba ne’e labele halo investigasaun kriminal ne’ebé diak.
Antes halo akuzasaun ba kazu ruma tuir ministra, tenki liu hosi investigasaun kriminal e problema ne’ebé infrenta iha tinan ne’e mak investigasaun kriminal.
Relasiona ho tribunal de kontas Ministra Esplika mos katak, tribunal de kontas nia mak sei haree tanbasa mak gasta osan estadu sira ne’e, nune’e nia mak sei haree osan ne’e gasta duni tuir buat ne’ebé PN aprova.
Iha reuniaun ne’ebé kalao iha Gabinete Ministra ne’e ministra hateten, Iha lei ne’ebé atu kria seksaun de kontas ne’e mos hateten katak antes atu asina projetu bo’ot ruma tenki haruka uluk ba tribunal de kontas haree uluk katak buat hotu halo tuir regras ne’ebé iha ka lae.
Ministra hateten, wainhira seksaun ba tribunal de kontas hahú hala’o sira nia servisu sei garantia katak dalan ba oin atu gasta orsamentu do estado halo diak hodi la bele hamosu korupsaun ne’e mai hosi tribunal de kontas ne’ebé mak oras ne’e kria dadaun.
Investigasaun Kriminal tuir ministra hanesan mos ho tribunal de kontas tanba KAK la bele halo buat ida wainhira la iha polisia ne’ebé ho kbít naton atu halo investigasaun, dehan ministra.
“Ita hotu hatene katak, oras ne’e dadaun governu prepara hela lei ba polisia investigasaun kriminal,” dehan Komisariu KAK Aderito de Jesus iha Salaun Ministeriu justisa depois de hasoru malu ho Ministra Justisa.
Komisariu ne’e hateten, polisia investigasuan oras ne’e sei falta polisia invetigasaun kriminal ne’ebé actual halao husi seksaun investigasaun kriminal ne’ebé ladun apoiu servisu prokuradór hodi halo investigasuan ba kazu ne’ebé mosu antes lori ba tribunal.
Tuir Aderito estabilesementu tribunal de kontas inportante tebes hodi asegura servisu seitor justisa niann iha Timor Leste tanba kazu korusaun balun atual seidauk bele halo investigasaun instrument hodi halao servisu hirak ne’e sei iha sufsiente.*
Ananias Babo Horta
Media Officer Gabinete Ministra Justisa
