Breaking News:Parabens Aderito de Jesus Soares eleitu Presidente Komissaun KAK hodi fokit KKN iha Timor Leste

Dili - Moprokak (01/02/10) halo kobertura ba votasaun hodi hili Presidente Komissaun Anti Korrupsaun (PC-KAK) iha Parlamentu Nasional (PN) iha segunda-feira (01/02/10) ne' e. Wainhira halao hotu tiha eleisaun, total deputadus nebe maka vota nain 63 husi 65 ba kandidatu nain tolu keta-ketak maibe deputadu sira hili ida deit, rezultadu mak hanesan tuir mai ne' e:

- Aderito de Jesus - 40 votus

- Ivo Valente - 3 votus

- Sebastiao Dias Ximenes - 19 votus

- Votu Invalidu - 1

- Abstencoes - 2

Total: 63 deputadus mak vota no ida ne' e siknifika Aderito de Jesus Soares manan iha primeira volta ho maioria absoluta no eleitu ona ba Prezidente Komissaun KAK... hodi "ke' e sai abut KKN iha Timor Leste" tuir ninia entrevista inisial ba media nasional semana hirak liu ba!

Resultadu ne' e lori mensagem politika ida klaru ba OMP/Fretilin ho KOTA/Tilman katak proposta "konsensu" nebe sira hakarak halo iha dalan ka media ne'e sai hanesan "ma gestaun de tempo" la dun hatudu sira ninia maturidade politka iha kombate "KKN" nebe sira rasik hakilar makas maibe kuandu bolu atu fo konstribuisaun, sei suber tur sae, husu fali konsensu ba lalos e publikamente desfama tan kandidatu "Aderito Jesus" (red, cijtl).

Ho vitoria Aderito nian, AMP/Xanana hetan tan forca foun atu hakat ba oin...desafio tuir mai mak proposta husi PR Ramos Horta kona ba "remodelasaun Governu". Nudar governu hari husi Koligasaun, mensagem PR Horta bele influensia Bloko ninia konsolidasaun maibe "sugestaun PR" la dun importante tan "ex-PR Xanana" husu Governu Inklusivu Impopular da Fretilin (GIIF) halo remodelasaun iha momentu ida nebe, ministro nain rua halo ona eskandalu bo'ot "kbi'it laek no fahe kilat F-FDTL no PNTL ba ema civil" iha 2006.

Situasaun ida ne' e la verifika iha AMP nia laran agora dau-daun. Maibe ida ne' e laos assuntu importante liu fali "hili komissariu ida" dotadu ho kbi'it naton husi ke'e sai abut KKN nebe hahu moris husi 2002 to'o agora. Precisa inteligencia para kombate KKN tan em bai-bain nunka halo korrupsaun, ema matenek sira mak halo KKN ne'e duni Komissario foin nebe eleitu ona precisa forma equipa ida nebe kompetente, uza intelegencia nebe iha hodi kombate korrupsaun la hare ba Bloko AMP, OMP, Familia ou kolega ka tio, tia, etc.

Nune' e, atu hetan "Sukessu Komissario KAK ba kombate KKN labele liu tan husi konsensu" basa "maioria absoluta" nebe Aderito hetan husi deputadu sira truaduzz ona "legitimidade absoluta" hodi denuncia "koruptor sira". Labele haluha katak dala barak "decisao nebe los no diak liu sei la satisfas em hotu", ida ne' e exige lalaok hanesan "bravura no koragem" husi Komissario + equipa nebe atu halo parte KAK!

Parabens ba Aderito de Jesus, ba kaer knar foun no hetan ona kbiit husi Parlamentu Nasional hodi fokit sai KKN no lori Timor Leste tuir dalan Desenvolvimentu ba futuru. Ita hein!

MoproKAK News

KKN: Alterasaun naran kandidatu ba Presidente KAK 2010

Nain tolu: Aderito de Jesus, Ivo Valente e Sebastiao Dias Ximenes

Dili, MPKAK News (26/01/2010) Iha alterasaun ba naran husi Governu haruka ba Parlamento Nasional (PN). Tuir Mpkak News hatun iha loron (21/01) katak: "Naran sira ne’ebe maka mosu, bele espekula oi-oin, maibe naran sira nebe hetan kandidatu forte maka Natercia, Juiza no Presidente Tribunal Distrital Dili no vice Tribunal Rekursus no Sebastiao Dias Ximenes, Presidente gestaun PDHJ (MPKAK News, 21/01/2010)”.

Maibe iha sexta-feira (22/01/2010) PM Kay Rala Xanana Gusmão halao surumutuk ho PDHJ Sr.Sebastiao Dias Ximenes iha ninia haknar fatin hodi bolu nia ka konvida ba sai mos kandidatu ba Presidente KAK.

Tuir lian anin ne´ebe maka MPKAK News hetan katak iha Sextra-feira (22/01/2010), "PM Kay Rala Xanana Gusmão mos halo surumutuk ho Presidente Tribunal Rekursus (TR) Dr. Claudio Ximenes konaba atu konvida mos Juiza Natercia Guterres ba sai nudar kandidatu mos ba Presidente KAK”.

Tuir mos sumber MPKAK News katak "Presidente TR Claudio Ximenes dehan lae ba husu ka pedido husi PM”. Haktuir tan fontes MPKAK Newa, "Presidente Tribunal Rekursus explika ba PM konaba oinsa maka kapacita juises sira hodi bele julga kasus sira ne´ebe iha futuro quando KAK investiga, se la iha juizes ne´ebe maka kapacitadu,KAK bele servisu makas maibe Tribunal la bele halo buat ida tamba falta rekursus umanus”, defende Dr. Claudio Ximenes.

Iha segunda-feira (25/01) husi Governo liu husi Vice-Primeiro-Ministro José Luis Guterres ba halo surumutuk ho Presidente Parlamento Nasional (PN) Fernando Lasama de Araujo no Vice-Presidente Vicente Guterres hodi hatou naran Ivo Valente atu kompleta lote ba kandidatu nain 3 ba Presidente KAK. Tuir fontes husi MPKAK News iha Parlamento katak “Governo hatama ona naran rua ne´e ba meja Parlamento Nasional (PN) no hein deit bainhira maka meja ajenda ba plenariu extaordinaria konaba hili KAK”.

By MPKAK News, Taibesi, Dili!

Aderito de Jesus Soares: “Hau Prontu Ke’e Sai Abut KKN”

Fretilin Tenke Halo Politika Mos

DILI – Eis Xefi Bankada Fretilin-Asembleia Konstituante, Aderito de Jesus, prontu lidera Komisaun Anti Korupsaun KAK hodi kee sai abut KKN nebe kuda metin ona iha governu.

“Hau prontu simu responsabilidade husi IV Governu Konstitusional hodi lidera KAK para bele kombate (KKN) iha TL,” Aderito informa lia hirak nee ba STL via telefone, Sigunda (25/1).

Nia agradese ba IV Governu Konstitusional nebe fo fiar ba nia atu kaer KAK, embora bankada opozisaun Fretilin kontra makaas nia kandidatura ho razaun nebe la klaru.

Maske governu aprezenta Aderito nudar kandidatu forte ba komisariu KAK, maibe nia intrega membru Parlamentu Nasional atu hili tuir kompetensia nebe lei fo hodi defende intrese nasional TL nian.

“Hau agradese IV Governu Konstitusional nebe fo fiar mai hau atu sai kandidatu ba KAK, hau simu no respeita fiar nebe fo ba hau, maibe nee depende ba PN no governu, tamba durante nee hau halo hau nia peskiza rasik konaba KAK iha nasaun bar- barak, hau fiar se PN fo fiar, hau sei halo servisu ho kolaborasaun Estadu tomak hanesan Igreja, ONG no PN para bele halo buat diak ba futuru nasaun nian,” nia hatete.

Eis Adovadu Mari Alkatiri, salienta katak bazeia esperensia estudu no peskiza nebe nia halao iha nasaun barak ezistensia KAK importante tebes. Nee duni lider politika sira hotu tenke iha konsensus atu hari KAK.

“Hau hanoin ita atu kombate KKN nee iha meus oin – oin, KAK nee instrumentu ida importante atu bele kombate korupsaun. Mas atu kombate nee ita tenki halo investigasaun, maibe importante halo edukasaun para bele prevene KKN,” tenik nia.

Aderito husu ba governu atu fo apoiu makaas servisu judisial nian hodi reforsa kapasidade iha areia investigasaun, ho nunee wainhira KAK rekomenda kazu KKN ruma bele julga ho diak.

Fretilin Tenki Halo Politika Mos

Iha biban nee Aderito, husu lider Fretilin atu halo politika mos, politika hadomi no kontribuisaun para labele repete politika foer nebe akontese iha 2006. “Hau hakarak dehan, secara psikologis hau komprende Fretilin sira nia maneira kontra hau nebe hau la aparu didiak razaun saida lolos. Maibe keta iha problema 2006, Fretilin hili hau atu tur iha governasaun Fretiln hau lakohi, maibe hau husu atu Fretilin halo politika ho honestidade lolos, politika hadomi povu no nasaun ida nee no politika ho profesional maka ita bele halo buat diak ba nasaun TL,” nia komenta.

Iha parte seluk, Xefi Banda Freteilin Aniceto Guterres rejeita fo komentariu konaba kandidatu komisariu KAK nebe aprezenta husi governu. Tamba desde prinsipiu Fretilin lakohi hili Aderito de Jesus Soares ba komisariu KAK ho razaun Aderito servisu afavor ba governu AMP.

Membru Bankada CNRT-PN, Aderito Hugo da Costa apoiu kandidatu komisariu KAK nebe Governu aprezenta. Ami nia pozisaun laiha mudansa, ami fo apoiu nafatin ba Aderito atu lidera KAK.

Lei KAK tuir nia iha forsa naton atu kombate korupsaun iha rai laran, tamba nee tempu ona ba rai nain Timor oan atu hatudu sira nia kapasidade kombate korupsaun iha rai laran. “Hau pesoal kestiona se kolega nebe la gosta Aderito lidera KAK, to bainhira mak ita ita fo jerasaun foun atu kaer KAK, tamba tempu agora Timor oan iha kapasidade makas bele servi estadu,” nia hatete.

Entretantu PM Xanana oras nee dadauk prepara hela lista kandidatu foun nain tolu atu aprezenta ba PN iha tempu besik. arz/lia

Fontes: Suara Timor LoroSae (STL, 26/01/2010, pajs.1 i 15)!

KORRUPSAUN: AMP liu husi IV Governu Konstitusional hili tan naran rua Natercia Guterres no Sebastiao Dias nudar kandidatu P-KAK

MPKAK News (Dili, 22/01/2010). Tuir info ne’ebe maka Movimento Pro KAK (MPKAK) News hetan husi Parlamento Nasional (PN) katak "iha surumutuk ne’ebe envolve Presidente Parlamentu Nasional (PN) Fernando Lasama de Araujo ho chefes bankadas hotu husi AMP, OMP, PUN, AD no Primeiru-Ministru IV Governu Konstitucional Kay Rala Xanana Gusmao iha terca-feira (19/01)liu ba katak hot-hotu iha ona lian ida (kesepakatan/konsensu) atu tuir Lei KAK nian no Governu bele rekonsidere fila fali hanoin balun mai husi Oposisaun, liliu, OMP?Fretilin hodi apresenta tan naran seluk, alem naran Aderito de Jesus ne’ebe Governu hato'o ba dala uluk ba PN, maibe sei hetan resistencia husi OMP”.

Iha loron quinta-feira (21/01), "Primeiru-Ministru Kay Rala Xanana Gusmao akompana husi Vice PM ba Assuntus Sociais Jose Luis Guterres halo ona surumutuk ho Presidente PN Fernando Lasama de Araujo, hodi koalia konaba possiveis kandidatus rua (2) seluk ne’ebe Governu sei hato'o ba PN hodi tau hamutuk ho kandidatu Aderito de Jesus hafoin bele vota liu husi Plenariu iha Parlamentu Nasiobnal (PN)”.

Naran sira ne’ebe maka mosu, sei iha espekulasaun oi-oin, maibe naran sira nebe hetan kandidatu forte maka Natercia, Juiza no Presidente Tribunal Distrital Dili no vice iha Tribunal Rekursus. Sebastiao Dias Ximenes, Presidente Gestaun PDHJ (Provedor dos Direitus Humanus no Justisa) tan mandatu iha PDHJ hotu tiha ona no Dias hela hanesan gestaun deit.

Hamutuk naran tolu (3), Aderito de Jesus, Natercia ho Sebastiao Dias Ximenes, iha plenariu maka deputadus sira vota. Voto sekretu, ida nebe hetan votus barak liu, nia maka sei manan!

MPKAK News, Dili, 22.01.2010!

Bloko AMP harii sistema, OMP/Fretilin uza deit ba Instrumentu Politku

Husi: Antonio Ramos Naikoli

Hakerek konaba korupsaun no kombate korupsaun mosu teses rua (2) maka antagónica, husi parte AMP hakarak harii sistema no husi sorin OMP/FRETILIN uja hanesan fali instrumentu polítika deit. Molok ida ne´e, iha semana laran mosu haksesuk malu husi partes rua hodi koloka kestaun ka lian litik tuir mai ne´e: Aniceto Guterres dehan AMP Loby nia maibe husi AMP dehan komunikasi deit, se maka koalia lolos?

Tuir Aniceto Guterres, xefi bankada OMP/FRETILIN hakerek STL (12/01/2010) ho titulo «AMP loby Aniceto Guterres kaer KAK», explika liu tan,v”AMP maka loby hau atu ba kaer KAK”. Hateten tan Aniceto, ”laos hau maka loby atu tau hau nia fen ka kaben ba kaer KAK”. Aniceto Guterres mos temi naran membrus Deputadus no governo husi AMP maka loby ka koalia ho nia ba kaer KAK, hanesan: deputada Carmelita Monis, bankada CNRT, Pedro Costa, bankada CNRT no Vice PM José Luis Guterres...

Le'e FH: www.forum-haksesuk.blogspot.com

ISU KORUPSI KIAN BERSAHABAT DI KUPING MASYARAKAT TIMOR LESTE; Sejauh mana tingkat pemberantasan tindak pidana korupsi di TL?

http://forum-haksesuk.blogspot.com/2008/04/isu-korupsi-kian-bersahabat-di-kuping.html

FORUM-HAKSESUK, SEXTA-FEIRA, 11 DE ABRIL DE 2008

ISU KORUPSI KIAN BERSAHABAT DI KUPING MASYARAKAT TIMOR LESTE; Sejauh mana tingkat pemberantasan tindak pidana korupsi di TL?

Lagi-lagi isu tindak pidana korupsi menggiur di kalangan masyarakat. Dugaan komisi independent dalam pemberatasaan korupsi, Provedoria Dos Deretos Humos e Da Justica (PDHJ), yang tengah dalam tahap investigasi terhadap para mantan pejabat yang mendapat kursi kejayaan di era pimimpinan mantan PM Mari Alkatiri terus mengalir. Hal ini terbukti, mantan Duta Besar Timor Leste untuk Indonesia diduga melakukan tindak pidana korupsi yang merugikan masyarakat, pada waktu masih menjabat sebagai wakil TL di Jakarta. Merupakan salah satu indikasi bahwa kebejatan ini tidak akan pernah musnah seketika. Sekalipun TL tergolong negara yang cukup muda di kawasan ASIA, tapi tingkat praktek perlakuan korupsi tergolong cukup hebat, ketimbang negara lain. Toksis korupsi yang ditularkan oleh Indonesia nampaknya akan merambah ke mana-mana, bahkan mendarah-daging, bila pemerintah lamban menanganinya. Jangan sampai TL setelah puluhan tahun berdiri menjadi sebuah negara RDTL tapi rakyatnya masih bernaung di bawah kolom jembatan, praktek premanisme dan pengemisan di mana-mana kerana korupsi. Tentu butuh kepiawaian dan kinerja masyarakat dan pemerintah lewat komisi independent dalam pemberantasan korupsi, PDHJ yang benar-benar sinergis dan solid. Para pengamat tertentu menilai, praktek perlakuan tindak pidana korupsi di negara setengah pulau ini akan terus menggerogoti wajah dan jiwa oknum birokrat tertentu, yang terus merasa serba tidak kecukupan akan uang rakyat yang diterima setiap bulan. Perkembangan teknologi dan melajunya alur modernisasi yang marak, meski tidak begitu dirasakan oleh rakyat kita, seolah membuat tuntutan dan kebutuhan para pejabat negara dan pejabat pemerintahan terus semakin sulit dicermati dengan akal sehat.

INDEX PERCEPTION OF CORRUPTION TAHUN 2007; jadikan sebagai tolok ukur

Indeks Persepsi Korupsi (IPK) Timor Leste tahun lalu yang hanya mengantongi 2,6 dari total 180 negara yang disurvei, boleh menjadi tolok ukur pemerintah lewat komisi independent dalam pemberantasan korupsi, PDHJ dalam aplikasi dan performa di lapangan. Indeks persepsi ini tergolong amat sangat rendah, bila dibandingkan dengan negara berkembangan dan maju seperti Malaysia, Thailand, Singapore. Tikus-tikus kakap yang mulai beraksi ini akan menurunkan Indeks Persepsi Korupsi TL pada tahun ini. Ini dinilai bahwa, pengungkapan kasus korupsi di TL semakin hari semakin melangit. Seperti pernah disebutkan ole penulis di artikel terdahulnya tentang korupsi bahwa, nilai IPK ini hanya berpatok pada tindak pidana korupsi yang menyangkut transparansi ekonomi nasional di kalangan birokrat. Sehingga, praktek korupsi recehan di bidang perpajakan dan pegawai rendahan di tiap-tiap instansi pemerintah/swasta yang dinilai ada unsur kerugian negara seolah ditanggalkan. Padahal sebenarnya keberhasilan pemberantasan korupsi bukan dinilai dari berapa jumlah koruptor yang dipenjara atau berapa skor IPK. Lebih dari itu, seharusnya pemberantasan korupsi membawa berkah bagi masyarakat; pertumbuhan ekonomi meningkat, meningkatnya public trust terhadap institusi-institusi demokrasi dan adanya kepastian hukum. Sehingga daya tarik para investor asing untuk menanamkan saham di TL semakin nyata, bukan iming-iming lagi. Karena negara bersih dari praktek korupsi ini justru menciptakan kompetisi penanaman saham yang sehat.

KORUPSI DAN HAK ASASI MANUSIA (HAM)

Timbul suatu pertanyaan, bahwa bagaimana kita bisa mengatakan dalam setiap dollar ($) keuangan milik negara termasuk juga keuagan milik masyarakat? Karena keuangan negara ada juga yang bersumber dari masyarakat dan akan dikembalikan ke masyarakat lagi berdasarkan ketentuan yang berlaku. Jadi bilamana uang itu dikorup, maka itu berarti ada hak rakyat yang tidak dikembalikan dan tidak jadi dinikmati karena terjadi korupsi. Dalam konteks pengertian inilah adanya koorelasi antara HAM dan korupsi, (Prof. DR. Muladi, SH.,Guru Besar Hukum Pidana UNDIP, Semarang, Indonesia.,hal. 154). Dari pendapat Prof. Muladi ini artinya, bila terjadi korupsi di situ terjadi juga pelanggaran HAM.

Jira kita cermati perilaku korupsi yang kiang memanas di negara kita, mungkin sudah tiba waktunya kita pertegas dengan strategi dan trik pemberantasan korupsi yang tidak hanya sekedar sublimasi. Daripada sekedar gonta-ganti kebijakan yang justru meciptakan ketidakpastian hukum. Tidak ada salahnya, kalau kita harus belajar dari negara-negara yang dulu perekonomiannya anjlok karena ditimpa krisis dan perilaku korupsi, hal mana telah bangkit dan menjadi negara yang kaya dan maju pesat seperti Korea Selatan. Negeri China yang dulunya dengan perilaku korupsi yang marak akhirnya tertanggulangi oleh jurus jitunya PM Zhu Rongji yang sangat terkenal dengan konsepnya “pesan 100 peti mayat”. Pesanan 100 peti mayat ini 99 untuk para koruptor kakap dan satu untuk dirinya bila terbukti korupsi. Dengan jurus jitunya ini, China menjadi lahan investasi yang subur bagi para inverstor asing, (Kompas, 14 Juni 2004). Pada konteks ini, China memang menganut sistem hukuman mati, sehingga konsep “pesan 100 peti mayat” layak diterapkan di negeri Bambu Runcing itu, namun sebaliknya negara kita tidak menganut sistem hukuman mati, seperti tersurat dalam Pasal 32, ayat (1), UUD. Tapi setidaknya dapat dijadikan sebagai panduan dan referensi kepustakaan yang akurat dalam memberantas korupsi di negera kita.

Begitu kacaunya di TL bahwa, sekalipun korupsi itu sudah diketahui sangat membahayakan masyarakat dan negara, tetapi masih saja korupsi menjalar ke mana-mana. Political will pemerintah melalui lembaga independent seperti PDHJ nampaknya secara konkrit masih terlihat kabur

KORUPSI; Pidana & Non-Pidana

Dalam penanganan tindak pidana korupsi harus dibedakan dengan jelas antara korupsi secara pidana dan korupsi non-pidana. Di sini akan tercermin unsur keperdataan. Sehingga, korupsi non-pidana, tentu seorang pelaku dituntut secara perdata untuk mengembalikan uang negara yang dirampasnya, plus ganti-rugi imateriil yang harus dibayar sesuai putusan hakim di Pengadilan. Selanjutnya korupsi pidana; adalah seorang pelaku bila terbukti korupsi berarti telah melakukan suatu kejahatan melawan negara, karena hukum pidana korupsi adalah hukum yang mengatur kepentingan umum (orang, korporasi dengan negara). Sehingga pelaku tindak pidana di sini selain dituntut secara perdata, juga harus dituntut secara pidana, berdasarkan fakta yang dibuktikan oleh seorang Hakim di Pengadilan.

Kesimpulan

Korupsi di negara kita bukan hanya berskala merusak pundi-pundi perekonomian nasional dan masyarakat tentunya. Tapi sudah memobroki sendi-sendi moral dan etika prinsip pemerintahan yang baik, sekalipun negara kita masih tergolong cukup mudah. Oleh kerannya, sudah saatnya kalangan akademisi, komunitas sosial, NGO, dan praktisi hukum bersama dengan semua element bangsa menunjukkan kebranian membangun dan merevitalisasi kultur hukum baru berdasarkan tuntutan bangsa ini, sebaimana cita-cita mewujudkan negari Sun-rise menjadi negara yang benar-benar lepas dari jajahan kondisi ekonomi nasional, sehingga kemerdekaan TL secara de yuri dan de facto dapat mewujudkan kepastian hukum yang jelas.

Hoi, keta liman naruk nafatin. Povu nia osan halo ba povu nia nesesidade. Povu terus uluk no to’t ohin loron mo’os sei terus. Karik sei terus ba nafatin? Espera katak lae. Ita hein!

SAY NO TO CORRUPTION. Merci beaucope.

J. MONTEIRO (jmonteiro87@yahoo.com)
MAHASISWA FAKULTAS HUKUM (SEMESTR IV)
UNIVERSITAS NAROTAMA, SURABAYA, INDONESIA
publicada por FORUM HAKSESUK @ 10:19 AM e-mail: fhaksesuk@gmail.com

Victor Tavares: Sa ida mak KKN ?

http://forum-haksesuk.blogspot.com/2008/08/sa-ida-mak-kkn.html


FORUM-HAKSESUK, sexta-feira, 29 de Agosto de 2008

Sa ida mak KKN ?

Fenomenu Korupsaun, Koluzaun no Nepostismu – KKN Sai Destake iha Debates ka Opinioins
[Tema ida ne’e hakerek na’in sei liga diretamente ho realidade iha Timor no kazus balun sei sai hanesan materia hodi halo komparasaun entre Governo anterior ho Governo atual]

Husi : Victor Tavares
Editor Forum-Haksesuk

Iha biban ikus nemai sirkula debates ka opinioins barak kona ba fenomenu Korupsaun, Koluzaun no Nepotismu iha Rain Timor-Leste. Iha opinioins nebee diak no hanoin balun nebee mos ladun klaru kona ba termus no ema balun sei kahur buat tolu nee sai hanesan buat nebee bele troka ka reprezenta ba malu.
Buat Korupsaun, Koluzaun no Nepotismu (KKN) reprezenta situasaun tolu (3) :

Korupsaun

Tuir hakerek na’in nian hatene, pratika Korupsaun bele fahe ba iha area rua (2); Ida, pratika Korupsaun iha area Ekonomika (material), ida fali, pratika Korupsaun iha area Politika (moral).
Hakerek na’in sei la habelar iha hakerek kona ba Korupsaun Ekonomika tanba ita hotu hatene pratika korupsaun ida nee oin sa, no iha biban seluk hakerek na’in hatun tiha ona artigu ida kona ba oin sa ema halo korupsaun ekonomika, iha media ida nee, ne’eduni iha biban ida ne’e hakerek na’in hakarak haree klean utioan mak kona ba pratika Korupsaun Politika nee oin sa. Tanba iha realidade pratika ida nee mos akontese iha Timor-Leste, iha ukun an nian laran. Pratika Korupsaun Politika akontese bainhira ema politiku ida fomenta no materializa nian pozisaun iha poder ho sistema Kaudilhismu (caudilhismo). Ema politiku na’in nee sei halo buat hotu para bele hetan poder, kaer metin poder no konserva poder liu husi kriasaun klase elite iha sosiedade nian laran. Kaudilhismu ne’e sistema governo nebee karaterizadu ho autoritariu, grupu elite ida mak kaer poder hodi estadu nian naran maibe grupu elite nee konstitui husi familia ka xefe governo nian amigos proximus, orgauns soberania estado nian hanesan militares, polisias no mos autoridades justisa nian, ema rikus naturais (rai na’in) ka fazendeirus sira, no mos xefis tradisionais sira. Kuandu governo ida bainhira hetan poder hakarak konserva poder nee iha ninian liman liu husi mandato tuir Konvensaun Internasional nian haruka, mak governo nee bolu governo kaudilhismu no xefe governo sai caudilho. Kaudilhismu governa husi xefe ida (caudilho) maibe ukun ho autoritariu, no relasaun emosional nebee forte tebes entre xefe governu ho ninian subordinados sira ka ho instrumentus estado nian. Kaudilhismu hetan husi manipulasaun opiniaun publika husi grupu elite ida ka golpes de estado nebee militares sira halo. Maibe iha sistema kaudilhismu mos la’os hotu-hotu autoritariu, balu iha sistema representatividade maibe sempre iha esforsu atu manten iha poder liu mandatu normal, liu husi esforsu atu hetan reeleisaun ka transferensia poder ba parente ho mandatu vitalisio.

Por ejemplu, Papa Doc transfere poder ba nian oan Baby Doc iha Haiti, Perón ho nian fen Evita ho Isabelita iha Argentina, Idi Amin iha Afrika, iha Europa hanesan Almirante Horthy no general Francisco Franco 1930 no 1975. Kaudilhos sira seluk hanesan Juan Manuel de Rosas iha Argentina, Carlos António López iha Paraguai, Antonio Guzman Blanco iha Venezuela no selu-seluk tan.

Iha Timor-Leste, depois de Restaurasaun Independesia, maior partido iha Timor no partido historiku FRETILIN nian membrus diresaun balun besik atu hakat tuir dalan kaudilhismu, maibe Povo Timor la hanesan ho povo sira iha Amerika Latina, Europa ka povo husi rain selu-seluk. Nunee mos Rain Timor-Leste nian ukun-an hetan besik ka iha Sekulu XXI nian laran. Ne’eduni hanoin atu kuda kaudilhismu iha Timor mos hetan aborto lalais, liu-liu sirkunstansias hirak nebee hada husi 1975 to’o mai 1999, no hetan ukun-an nee rasik sai hanesan satan ka obstakulu nebee boot, hodi hamate ema grupu ki’ik oan ida nian hanoin atu kuda kaudilhismu durante tinan lima-nulu (50) nian laran. Partido nebee kaer ukun tenta mos partidariza instituisaun militar FDTL, buka haburas ligasaun transendente historia partido iha poder ho instituisaun FDTL, ho massa apoiantes ka povo em jeral.

Korupsaun Politika akontese mos bainhira aktores politikus sira hala’o kampanya iha biban eleisoins politikas-partidarias ba xefe de estado, lejislativas ka aktus eleitorais seluk. Forma jeral nebee politikus sira pratika Korupsaun Politika mak hanesan konyesidu ho expresaun ida “ promete mundos i fundos”. Katak ema politikus sira promete buat hotu ba povo atu bele hetan votos husi povo, desloka ba tama fatin sai fatin hotu nebee populasoins hela ba, hakilar lian aas tebes, dehan sira mak hatene halo sasan, sira mak badinas, sira nian hanoin mak diak no los, sira nian programa mak diak liu sira seluk, promete ba povo katak sira sei fo uma mutin ba ema ida-idak, fahe ida neba fahe ida nemai, sira mak ida neba no sira mak ida nemai, promete fahe osan ba povo hodi hasa’e povo nian moris ka hadia povo nian rendimentu etc.etc., bainhira sira manan eleisaun.

Atu hetan adeptos ka massa apoiantes hodi hatudu forsa partidaria, ema politiku na’in sira, koalia buat hotu maibe sira koalia liu oin sa povo ka eleitores sira hakribi ema husi partido selu-seluk hodi povo la bele fo votus ba partido seluk. Tanba atu sukat forsa ho massa partidaria ho partidos sira seluk, partido ida nebee iha privilejiu ba estadu nian sasan, uza hotu meios oi-oin hodi suporta sira nian kampanya inklui mos fahe osan ka fos ba ema atu ema sira bele partisipa iha kampanya iha dala-dalan, hodi aumenta volume massa iha kampanya. Politiku na’in sira mos halo diskursu nebee dala barak hakat liu limite moral no etika nudar ema sivilizadu. Bainhira sira hato’o sira nian diskursu, sira nian objetivu ba dala uluk mak buka oin sa buka hateten aat ema husi partido sira seluk hodi hamosu deskonfiansa iha povo nian leet ba ema husi partido sira seluk. Bainhira partido nian ulun boot ida hato’o diskursu nebee radikal, hateten aat ba nian adversariu sira, mak automatika ninian massa apoiantes sei halo liu tan hodi soran no hamosu violensia entre massa apoiantes sira. Iha mos politiku na’in nebee mos aproveita kampanya eleisaun atu vinga ba malu, durante halo diskursu la’os hato’o partido nian programas ba povo, kona ba desenvolvimentu, maibe halo atakes pessoais no insultos mak domina iha diskursu durante tempo tomak ba kampanya. Bainhira hetan tiha votos no sai tiha boot, iha mandatu tomak, nem PM ka Ministro ruma mosu iha Povo nian leet, uma mutin la mosu, osan no buat selu-seluk nebee promete mos la mosu. Ne’eduni konfirma lia-fuan husi katuas sira babain hateten katak, oan sira, politika nee buat fo’er. Nune’e mos husi komunidade akademika fo versaun tuir siensia ezakta nian konsidera katak politika la hanesan ho halo konta 4 x 4 = 16, iha politika 4 x 4 bele = 4 ou bele mos 40.

Situasaun nebee mosu husi kampanya ho karakter negativa, violensia, falta de sivismu, falsa promessa, manipula povo, lohi povo no povo eleitores nian vitimas ba propaganda husi politikus na’in sira mak bolu hahalok Korupsaun Politika.

Konluio (Conluio)

Conluio iha Latim colludium, husi lia-fuan cum no ludus, signifika aktu nebee ema grupu kri’ik ida kombina malu antes de hala’o aktu nee.

Ema matenek na’in ida husi Brasil fo definisaun kona ba situasaun Konluio ka Koluzaun nunee : «Colusão é um ato de combinação ou arranjo maliciosa ajustada entre duas ou mais pessoas, com o objectivo de fraudarem ou iludirem uma terceira pessoa ou de se furtarem», (Plácido e Silva -red).

Koluzaun akontese mos iha tempo rejime militar ditador Soeharto nian, iha Indonesia Soeharto monta estrutura ida nebee makaas tebes atu proteje ba rejime ditador nian intereses.

Ne’eduni Konluio ka Koluzaun nee hahalok nebee karakteriza ho aktu la iha transparensia, hahalok kumplisidade entre ema na’in rua ka grupu ida, hodi hala’o aktu ilisitu ruma. Iha politika hahalok Konluio akontese iha partido poltiku ka grupu ida nian laran ho objektivu ba interese politika-partidaria, poder no mos intereses ekonomikus. Normalmente sira nebee halo konluio nunka husik malu, la kritika malu, la denunsia situasaun interna grupo nian laran no mos sempre taka malu.

Situasaun nee akontese iha Timor-Leste, iha I Governo Constitusional nian tempo.Ejemplo : Iha biban neba MI Rogerio Tiago Lobatu, bainhira hasoru krize, liu-liu hasoru konflitu entre bairrus hirak iha Dili laran, nia hateten sai katak nia atu fahe kilat ba populasoins iha bairru Kintal Boot atu sira bele defende an. Minsitro nee kala haree husi interese partido nian, Kintal Boot domina ho simpatizantes husi FRETILIN. Mesmo hatene senhor Ministro do Interior nian intensaun nee maibe Senhor PM Mari Alkatiri iha biban nebaa, la iha lian kontra ninian ministro. La hatene, karik sira hala’o hela buat Konluio nee. Situasaun grave tebe-tebes doko Mari Alkatiri nian governo bainhira ministro Rogerio Tiago Lobatu konkretiza ninian intensaun atu fahe kilat ba populasoins, maibe karik la’os ba populasoins iha Kintal Boot deit, de repente Sr. Ministro Interior forma tiha ona milisias (esquadrão da morte) atu elimina opozitores sira FRETILIN ho governo nian. Sa ida mak PM naton halo para bele trava trajedia? Sr. Mari Alkatiri nudar PM, xefe ba MI Rogerio Tiago la halo nem hateten buat ruma. Nem kondena nem kritika, nee karakteriza Konluio de alto nivel iha politika!

Relasaun Parlamento Nasional ho Governo anterior mos kontraste tebes pratika Konluio. Hejemonia nebee ejiste iha Uma Fukun halo instituisaun fukun nee sai fali ministerio nebee submete ba poder ezekutivu. Desizoins hirak diak ka aat, leis ruma diak ka la diak, governo prepara no aprova hodi lori ba PN atu simu deit aklamasaun formal husi maioria absoluta iha PN.

Iha materia ida nee hakerek na’in tau mos matan ba aktual situasaun iha PN, no hakerek na’in la exklui Maioria Parlamentar husi karakteristika balun nebee besik ba aktu Konluio, tanba karik iha materia balun aktual representasaun parlamentar ho maioria bele ignora prinsipiu no disiplina parlamentar iha buat balun. Maibe, se karik nunee mos pratika nee reflete mai husi situasaun anterior nebee mos fo nian influensia ba kada deputado hola ninian desizaun iha biban votasaun ruma iha Parlamento. Basaa, hakerek na’in hanoin, nudar ema babain hanesan mos ho representantes sira iha PN, normal tebes mosu emosaun ida nunee «ohin o halo nune’e mai ha’u, aban ha’u sei halo hikas ba o nune’e ka liu tan». Obviamente, pior liu tan, konsiensia nunee partilha ho kolektivu ba intereses kolektivu nian.

Nepotismu

Nepotismo iha lian Latim nepos ka netos ou descendentes iha lian Português. Maibe termo Nepotismo babain ema utiliza iha politika hodi temi fevoresimentu nebee ema parente ka familia husi ukun na’in ruma hetan husi ukun na’in ka governante boot ruma. Pratika Nepotismu bele akontese iha estado nian laran no mos iha organismus privadus nian leet. Iha ministerios, iha departementus no iha instituisoins estado nian, sempre ke xefe husi governo ka ministru ou diretor husi departamentu ruma fo kargu boot ruma ba ninian familia ka parente embora ema nee la merese tanba haree husi grau kualifikasaun, mak ema nebee fo favoresimentu kargu ba nian familia bolu Nepotismu ka despota. Iha mos pratika Nepotismu liu husi promosaun kargu ba parentes, boot ida promove ninian familia ba kargus publikus, la liu husi konkursu publiku, maibe foti nian familia tau iha kargu, la tuir kriteriu «the right man on the right place», nunee ema kualifikadu sira ba kotuk maibe ema la iha kualifikasaun ida nebee la hatene hala’o funsoins kargu boot ruma mos kaer kargu nee tanba iha ligasaun parentesku ho ukun na’in.

Ejemplo ba Nepotismu nebee sei fresku tebes iha ita hotu nian memoria, mak hanesan Soeharto, konyesidu ho bapak pembangunan maibe nia harii tirania ba poder nebee nia hetan husi esforsu, sofrimentu no mate husi Povo Indonesio tomak, hodi akumula tomak poder politiku ho poder ekonomiku iha nia ho familia nian liman. Explorasaun riku soin iha rai laran ka materias primas husi ilhas hotu-hotu konsentra tomak iha Jawa (Jakarta) hodi bele kontrola, no dirije husi ninian parentes sira. Maibe Soeharto mos konskista poder liu husi golpes, hodi nunee nia nebee Jeneral Militar kuda dwi funsi ABRI bainhira sae ba Presidente RI iha 1945, depois de Povo Indonesia hetan ukun-an husi imperialista Holandesa. Iha Soeharto nian mandato tomak nia kuda no defende sistema dwi funsi ABRI iha Konstituisaun RI, para bele konsolida ukun-an iha rain luan no boot hanesan Indonesia. Iha plano ba desenvolvimento Soeharto ho nian rejime servisu makaas tebes liu husi REPELITA (Rencana Pembangunan Lima Tahun), iha ne’ebe GOLKAR sai hanesan forsa politika tunggal ka unika, halo mos dezenvolvimentu fiziko para bele hatudu katak nia bapak pembangunan duni. Iha tempo kampanya promete buat hotu, halo ameasa, manipulasaun votus no obriga kada sidadaun ho idade tinan 17 ba leten atu tuir eleisaun, hodi povo vota nafatin iha GOLKAR Maibe husi parte seluk mos Soeharto halo buat diak tebes, tanba ninian rejime konsegue hametin unidade nasional, konsegue konsolida rain boot no luan hanesan Indonesia nebee konstitui husi besik rihun sanulu-resin hat (+/-14.000) to’o ohin loron, hodi Indonesia tama ona iha faze mudansa ba demokrasia.

Ukun na’in seluk nebee pratika Nepotismu mak Napoleão Bonaparte. Iha 1809, Napoleão Bonaparte foti ninian maun-alin na’in tolu (3) sai liurai ka reis ba rain ka nasaun tolu nebee ninian ezersitu okupa.

Iha Timor-Leste, Nepotismu mosu bainhira forma I Governo Konstitusional, liu husi transformasaun Asembleia Konstituinte, ida nebe hatudu prosesu ilegal no inkonstitusional, tanba I Governo Konstitusional ho ninian PM nian ejistensia la liu husi prosesu konvensional, sufrajiu universal. Bainhira Sr. Mari Alkatiri sa’e ba poder nudar PM, nia hahu hala’o Nepotismu, fahe kargu estadu nian ba nian parentes sira. Hanesan foti ninian alin sai embaixador Timor-Leste nian iha Malasya, favorese ba nian alin seluk hodi toma konta negosiu estadu nian liu husi single source, la liu husi konkursu publiku, no tau nian kaben sai embaixadora Timor nian iha Moçambique.

Pratika Sr. Mari Alkatiri nian ida nee hatudu momos katak nia (MA) duni mak hahu kuda uluk Nepotismu iha Timor-Leste depois de Independensia.

Ikus-ikus nee issu KKN sai hanesan materia nebee destake iha meios komunikasaun sosial. Maibe kuriozu tebes tanba ema se se mak uza termos KKN hodi halo kampanya mak ema sira husi partido opozisaun ba aktual governo. Sira hakilar iha fatin hotu-hotu, akuza Sr. Xanana Gusmão nian governo AMP pratika KKN, no dehan KKN mos buras tebes iha AMP nian leet.
Infelizmente, ema sira nebee mak kaer lia-fuan tolu KKN hodi halo kampanya hasoru IV Governo Konstitusional – AMP, mak ema akademikus ka intelektuais sira.

Hakerek na’in la komprende tanba sa, ema sira nee la konsegue distigue lia fuan tolu KKN, nebee iha realidade reprezenta situasoins tolu ketak-ketak, situasoins nebee insubstituível nem termos sinonimos, maibe sira foti KKN emprega tomak ba ema ruma iha AMP nian leet.

Ejemplu ida : Iha ema balun husi partido FRETILIN ka militante ka adepto, dun Sr. PM Kay Rala Xanana Gusmão pratika hahalok tolu KKN, tanba deit Sr. Germano kaer empreza nebee sai detentor sosa fos, Srª Kathleen Gonçalves, nune’e mos tanba Sr. Nilton Gusmão Santos mos dirije ka okupa fatin ruma.

Atu justifika referensia ema sira nebee hakerek na’in temi iha leten, hakerek na’in sita argumento balun nebee Senhor ida husi FRETILIN hato’o mai nune’e:

«... Hau hanoin ita boot la presija esplika sentidu KKN ka CCN (corruption, collusion and Nepotism mai hau tamba hau hatene nia sentidu e maluk barak iha forum ne'e mos hatene. Hau hakarak hateten deit katak ita tenke brani hate sai buat balun ne'ebe la diak iha AMP ka kebijakan Xanana ne'ebe balun la tuir ema barak nia hakarak. Ita hotu hakarak AMP nia diak, Timor nia diak. Se ita boot hanoin Single Source ne'e maka solusaun diak liu antaun kontinua ba, fo korajen ba Xanana ka AMP hodi halo nafatin. Maibe ita bo'ot sei la hapara hau ka ema balun ne'ebe hanoin kebijakan AMP nian balun la fo ejemplu diak ba povu no ami sei kontinua hateten sai.

Hau mos hakarak fo hatene deit ba ita boot katak Kathleen Goncalves ne'e la'os Lu'Olo ka Alkatiri nia fen maibe Joao Goncalves nia fen. Germano ne'ebe halo corupsaun $30,0000 bainhira sei servisu iha Palacio Presidente la'os FRETILIN maibe CNRT. Nilton Gusmao Santos ne'ebe dalaruma nia maluk balun temi Tommy Soeharto-nya Timor-Leste la'os Alkatiri nia subrinho maibe Xanana nia Subrinho. Ema sira ne'e dalabarak hetan tender single source», in forum RENETIL, ramelautimor@yahoo.com (Florentino R. 28.08.2008, quinta-red).

Lementavelmente, ema husi partido opozisaun ba governo AMP la kohi haketak situasaun nebee letra K = Korupsaun, K = Koluzaun no N = Nepotismu reprezenta hodi temi ema sira nebee sira konsidera halo KKN ho termus apropriadus. Sira gosta temi situasaun balun nebee karik ejiste ho KKN, sem fo importansia ba sentidu no definisaun husi termus KKN ida-idak iha nian kontestu.

Pior liu tan mak sira haluha tiha pratika KKN nebee grosseiramente Mari Alkatiri halo iha nian tempo ukun Timor ho nivel nebee pior liu, kompara ho situasaun nebee karik akontese iha Governo AMP nian laran.

Komparasaun simples nebee hakerek na’in halo mak entre PM I Governo Konstitusional ho PM IV Governo Konstitusional, haree husi pratika KKN ida primeiru mak sei kaer rekor hala’o KKN iha Timor-Leste.
____________

KKN ka KANKRU atu lakon kalae, Deputadu sira "AMP/OMP" mak hatene

Ba kolega sira hotu, hau nia parabens tan hakerek ideia furak-furak deit iha blogosfera ne' e. Hau mos hakarak fo hanoin deit katak ita hotu bele koalia maibe "sira" alias "deputadu" sira mak sei hakotu lia nudar hakerek ona iha lei-KAK. Governu AMP halo ona ninia knar, hatudu ona preokupasaun, halo lei no mos hatudu ona kandidatu tuir lei haruka. Laiha tan ai-satan ba ida ne' e husi nebe deit.

Hau haknauk komentarista ida nia hanoin dehan "Lei-KAK iha ona, fatin atu hetan konsensu mos iha ona mak Parlamentu Nasional, hakarak tan saida? Alkatiri, Aniceto, Tilman hakarak Konstituisaun, lei KAK sai hanesan ai-funan-rosa deit para enfeita KOTA/Fretilin…kuandu hakarak bele halo buat seluk. Nudar exemplo, “2007 Fretilin interpreta Konstituisaun tuir nia gosto deit, le’ e deit mak parte sira nebe Fretilin interesse, parte seluk la importante, depois mak kanta iha publiku dehan “ami mak hakerek konstituisaun” maibe ema la kompreende mak sira ninia interpretasaun kona ba lei!" (hare http://www.timortoday.com/ - Fretilin exige nafatin konsensu, publika iha 17/12.09).

Naran balun nebe mosu hanesan: Natercia, Aniceto ka se fali karik atu hamidar debate deit maibe tuir lei - labele mosu ema nar-naran se laos governu mak hili hafoin Parlamentu nomeia sai Presidente KAK ho maioria absoluta (49 votos).

Senhor Aderito de Jesus Soares, figura diak, hatene saida mak independensia institusional. Se Aniceto Guterres ka ema ruma mosu ho partidu nia naran ka interesse sei halo mihis deit KAK ninia knar iha loron ikus. Exemplo, ohin loron deputadu balun husi Fretilin tebe rai tan Ana Pessoa ba tu'ur tiha iha PGR, tentu saja, kasus barak hasouru Fretilin sei la loke to' o Ana Pessoa ninia mandatu hotu. Se KAK tuir ain-fatin ida ne' e, entaun AMP mak sei hetan konsekuensia maibe OMP lae, Mustahil hau dehan "hau halo KKN". Jadi ema independente los duni mak sei kombate KKN iha Timor Leste. Halimar ho konsensu politku ne' e, no hado' ok-an husi konsensu legal nebe iha ona, hanya hambur waktu...KKN sei abut metin tan deit, se sai kankru? ita la hatene, deputadu sira mak hatene!

Hudi laran, 12/01/2010

Quintino Soares

Maibe hau la kumpriende tansa mak Katuas Alkatiri halo politik ida nakonu ho odio ho vigansa hanesan ne’e

Halo CJITL,

Los duni se bele ita bot sira mos intrevista tok Dr. Aderito Soares. Maibe hau la kumpriende tansa mak Katuas Alkatiri halo politik ida nakonu ho odio ho vigansa hanesan ne’e. Sa tan hasoru Joven ida hanesan Dr. Aderito.

Maibe tuir informasaun nebe hau hatene konaba Dr. Aderito Soares mak hanesan ne’e. Deskulpa Dr . Aderito, se informasaun ruma sala, hau husu deskulpa deit. Hau espera ita bot sei halo intrevista ruma hasoru atakes falsu sira hanesan ne'e. Deskulpa mos tan hau uza hau nia naran ‘kodigu’ deit. Hau nia preokupsaun mak tansa katuas sira halo politik odio ho vingansa hasoru joven sira hanesan Dr. Aderito ne'e. Espera informasaun tuir mai ne’e importante ba leitores CJITL sira mos.

Losduni nia mak Xefi bancada Fretilin nia durante Assembleia Konstituante (AS). Hau hanoin nia kaer papel ida mak importante tebes durante sai Xefi Bancada Fretilin iha AS. Nia mos sai Xefi ba Komisaun Harmonizasaun ba Asembleia Konstituante, nebe nia membru mak representante husi partidu hotu-hotu. Imajina deit nia xefia hotu enkontru komisaun harmonisasaun nebe nia membru inklui Marie Alkatiri, Mario Carascalao, Leandro Isaac, Clementino dos Reis, Manuel Tilman. Salut ba Adérito tan nia la hakfodak ka nervous durante diriji enkontu sira ne’e iha fulan nen laran. Imajina dala ruma katuas sira ne’e han malu to’o kleuk, maibe Dr. Adérito maneje ho didiak los enkontru sira hodi bele hetan resultadu diak.

Iha momentu neba, tuir hau hatene, Dr. Marie Alkatiri husu mos Dr. Aderito atu sai vice ministru da justicia, maibe Aderito hateten katak nia hakarak fo konsentrasaun no komitmentu bot liu ba Asembleia Konstituante hodi hakerek konsitituisaun. Entaun Dr. Aderito rasik mak propoin Dr. Domingos Sarmento nia naran ba Marie Alkatiri. Ikus mai Domingos Sarmento sai duni ministro. Hau hanoin Aderito nia komitmentu klaru liu maluk sira seluk iha Fretilin karik ? Klaru katak Doutor Aderito simu kargu ne’e atu sai membru Konstituante Asembleia, laos sai membru PN.

Enkuandu Aderito fila fali mai husi Estadus Unidus iha 2004, iha prosesu ba eleisaun Provedoria (PDHJ). Momentu neba bancada Fretilin fahe malu. Marie Alkatiri nia kandidatu mak Dra. Isabel Fereira. Kandidatu ida seluk mak Dr. Aniceto Guteres, tuir informasaun nia hetan suporta husi Presidenti Xanana. Maibe membru bancada Fretilin barak mak hakarak kandidatu Dr. Aderito soares. Iha eleisaun primeiru iha PN, resultadu hatudu Aderito primeiru lugar, Aniceto segundu lugar, no Isabel terseiru lugar. Ba fali eleisaun segundu ronde, Aderito primeiru lugar, no Aniceto lakon dala ida tan. Maibe Aderito persija tan votus rua (para sai 45 votus) hodi bele pasa.

Hare’e ba situasaun ida ne’e, bancada Fretilin halo encontru no desidi formalmente atu avansa aderito soares hanesan kandidatu ‘formal’ Fretilin nian. Sico Branco, Xefi Bancada Fretilin husu Dr. Aderito atu sai kandidatu formal Fretilin nian. Tuir Sico Branco, lideransa Fretilin nia aseita ona Aderito nia figura tan hare ba eleisaun rua iha PN, Aderito hetan suporta makas los. Oposisaun sira mos vota tomak ba Aderito.

Maibe, tan prinsipiu Aderito ‘rejeita’ oferese nebe’e mai husi Fretilin. Nia hateten ba Fretilin dehan, se nia sai PDHJ nia tenke sai PDHJ ba nasaun RDTL, laos sai fali PDHJ ba Fretilin.

Ida ne’e, halo lideransa elit Fretilin satiadu los. Maibe, membru Fretilin balu suporta los atitudi brani husi Aderito ne’e.

Antes kazu PDHJ, wainhira Aderito fila mai husi Nova Yorke, Marie Alkatiri hakarak los Dr. Aderito atu servisu iha nia gabinete, hodi promete posisaun importante ida ba Aderito. Nia husu Aderito fulan tolu laran, depois Aderito mos rejeita tan oferese bot ida ne'e, ho nia rasaun rasik. Alkatiri frustadu liu tan.

Konaba Kazu Konoco Philips, tuir informasaun nebe’e hau hatene, momentu neba, Alkatiri hakarak los Aderito atu gugat Suara Timor-Lorosae ho Dr. Fernando La Sama baseia ba defamasaun. Hakarak los kriminalisa STL ho Lasama ba defamasaun. Aderito ema ida mak kaer prinsipiu direitus umanus metin, entaun nia hare katak kazu hanesan ne’e viola prinsipiu direitus umanus nomos so para gasta tempu deit, diak liu halo servisu importante sira seluk hodi servi nasaun ne’e.

Konaba kontra lideransa Fretilin iha kongreso 2006, hau salut ba Aderito nia brani ne’e. Nia laos kontra Partidu Fretilin, maibe kontra lideransa Fretilin ida nebe mak komesa sai otoriter ne’e hodi manipula kongresista sira atu vota hodi foti liman.

Koalia konaba lideransa failhadu, nusa mak Alkatiri la resigna an husi kargo Secretario Jeral Fretilin nian tan nia la konsege hodi Fretilin ba ukun to’o mandatu hotu, maibe monu deit iha dalan klaran tanba lideransa Fretilin failha tomak?

Se ita hare didiak, oinsa mak Dr. Alkatiri hateten dehan Aderito laiha kapasidade. Iha prosesu sira ne’e hotu ita hare momos deit, katak Alkatiri la konsege ‘domina’ Aderito atu serve nia interese pesoal hanesan nia halo ba jovens sira hanesan Arsenio no Aniceto. Nia hakarak los kaer metin joven ida ho prinsipiu bot no kapasidade bot hanesan Dr. Aderito, maibe Alkatiri la konsege. Ne’e mak rasaun fundamental tansa Alkatiri hatudu nia politik vingansa ida ne’e.

Viva KAK! HAPARA POLITIK HO VINGANSA no ODIO! KATUAS SIRA TENKE HATUDU ATITUDI DIAK NO HONESTU BA JERASAUN FOUN!!!

Marcus Taibesi
marcustaibesi@yahoo.com

KAK Interese Nasional

"Partidus AMP konsidere KAK nudar asuntu interese Nasional, ne'e duni tenki konfirma tuir Lei obriga koalia ho bankada Oposisaun Maioria Parlamentar (OMP/FRETILIn) atu bele assegura 3/4 deputadus (49) hola parte iha plenariu hodi bele hahu deskuti". Haktuir tan Pedro Costa, husi Bankada CNRT," koalia ho Aniceto Guterres, laos signifika atu kandidata nia ba Presidente KAK, tamba Lei klaru los, se maka fihir kandidatu ba lidera KAK mai husi Governu hodi hato'o ba Parlamento Nasional (PN), hafoin diskuti".

Hare iha STL (12.01.2010, paj.15)!

Tan sa, Alkatiri/Fretilin lakohi Aderito de Jesus lidera KAK?

Dili - (11/01/2010) Tuir notisia balun mak publika ona iha Media Nasional Dili, verbi gratia, cjitl katak Aderito de Jesus la soi sai Presidente KAK tan razaun hirak tuir mai:

1). Fretilin konese diak Aderito de Jesus laiha kapasidade lidera KAK;

2). Aderito ex-militante no presidente bancada Fretilin;

3). Aderito husik hela caso "Fretilin simu suborno husi chonoco Philips" hudi ba estuda iha Australia;

4). Aderito viola estatuto "Presidente Komissaun Nasional Jurisdissaun Fretilin" nian;

5). Aderito laiha kualidade ba buat sira temi iha leten.

....ka

6). Aderito konese dossier EMA, hanesan kasu korrupsaun?

7). Aderito hatene kareta estadu nia atus ida resin lakon molok krise?

8). Aderito kontra votasaun "foti liman 2006" iha kongressu Fretilin?

9). Aderito bele prosessu kontra "single source" tender I Governu?

10. Aderito hanesan dessidente Fretilin mudansa ne'e mak Alkatiri/Fretilin lakohi?

KAK ne' e assuntu nasional, lei iha ona, fatin konsensu mak Parlamento Nasional. Argumentu hirak Alkatiri apresenta ne' e "out of date speech". Assuntu internu ka partidu nian labele sata netik buat nebe ema barak nian. Diak liu, hari KAK para fotik lalais ona du'ut aat (KKN) hirak nebe mosu iha Timor Leste husi 2002 mai to' o agora. Tan buat ida husik ne' e mak sai fali tsunami dudu tun tiha governu iha 26 Junho 2006.

Movimento pro KAK

Governo husu atu PN aprova lalais Presidente Komisaun KAK

“Nomeasaun Komisáriu Komisaun Anti-Korrupsaun nian iha inísius tinan 2010 sei hahú prosesu estabelesimentu Komisaun Anti-Korrupsaun; hodi fó oportunidade ba povu Timór- Leste atu komesa kombate korrupsaun; Governo garante katak tinan 2010 sei alkansa nível kontabilidade ka responsabilizasaun foun ida no edukasaun hasoru korrupsaun, nepotizmu no kronizmu”.

Agio Pereira, Sekretariu Estadu Konseilu Ministru (SKM) no Porta Voz IV Governo Konstitucional

Fonte: In STL, 07/01/2010,paj.15

SMS ba Deputadu sira...kombate KKN

SMS ba Deputadu sira, …

Husu ba deputadu sira atu sira bele retoma agenda iha Plenariu hodi fihir no hili Presidente KAK. Atu hahu Plenariu buka iha iha presensa deputadus hamutuk 49 (65) katak, tau hamutuk deputadus bloku AMP 39, 2 PUN, 2 AD (43), buka tan nain 6 husi Fretilin hodi hahu plenariu.

Haruka SMS ba deputadu Fretilin sira atu loke sira nia fuan no laran katak “Korupsaun hanesan Virus ida, se la kombate bele transforma ba Kanker”. Hanesan partidu Fretilin mos iha responsabilidade atu halakon Korrupsaun… no ami konvida imi atu hola parte mos iha Movimento Pro KAK iha Facebook.

Movimento Pro KAK